قصة حياة the game

الاسم الكريم : Jayceon Terrell Taylor
القابه : Chuck, Hurricane, The California Kid, Dr Dre Protégé
تاريخ الولادة : 29 November 1979
مكان الولادة : Compton, Cali

انولد ذا قيم في جو ملئ بالعنف والعصابات والعداوات ... قال انه لمن كان صغير كان يشوف ابوه وامه يحضرون لعمليات Drive By's .. اي والله .. الاسلحة والمخدرات كانت محيطة بتايلور خلال نشأته .. ولمن كان عمره 6 سنين تقريبا .. تايلور قال انه واحد من خويانه انقتل بواسطة مراهق .. وانقتل بسبة انه اللي قتله كان يبغا ملابسه و النعال تبعه الله يكرمكم .. و لمن كمل 7 سنين .. راح لمركز رعاية (دار رعاية) .. في مركز الرعاية كان شخص مساعد وتفكير وذكاء تايلور لاحظه مشرف المركز .. كان يساعد خويانه من بنات واولاد في حل واجباتهم ..

في سنة 1989 .. يعني لمن كان عمره عشرة سنوات .. التقي ذا قيم بنجمه المفضل ومثله الاعلى Eric Wright والملقب بـ Eazy-E مؤسس الـN.W.A ... هاذي كانت لحظة مهمة فحياته .. فترة مراهقة ذا قيم مر بظروف صعبة .. فلما كان عمره 13 واحد من اخوانه الكبار واسمه Jevon واللي كان عمره وقتها 17 سنة اطلق عليه في محطة بنزين .. اخوه قبل لا يطلقون عليه حصل علا عقد تسجيل .. تايلور (ذا قيم) حس انه ابوه له يد فالموضوع ذا .. يعني اكيد واحد من اعدائه بينتقم منه بانه يقتل ولده .. ومات اخوه فاليوم اللي بعده .. ذا قيم زاره فالمستشفى وقال له : اوعدك ياخويا الكبير اني راح استغل وقتي وانه اللى فات ما راح يحصل ثاني مرة

طيب . وبعدها بسنتين يعني لمن كان عمره 15 سنة .. تايلور طلع من مركز الرعاية وانتقل لبيت امه Lynette .. طبعا اكيد دخلوا فمشاكل وخصوصا انه ابوه ما كان موجود .. ودخل ثانوية كومبتن الاهلية قصدي (Compton High School) وواظب عالحضور فيها تقول دافور .. المهم اغلب الطلاب فالثانوية ذي كانوا اعضاء فعصابات .. اخوه (مو توك قلت اخوه مات ؟؟ لالا هاذا واحد ثاني) اخوه الكبير Big Fase 100 كان في مدرسة (Centennial High School) وكان عضو فجمعية مدري فعصابة "Cedar Block Piru Blood" المهم ذا قيم اتبع خطاه ودخل فالشلة ذي ..

مهارات ذا قيم قادته الى اللعب في فريق كرة السلة حقت المدرسة بالاضافة الى انه كان يدخل سباقات جري وكان يلعب كذا رياضة .. (ملاحظة : جدته كانت دايما تسميه بذا قيم من كثر الرياضات اللي كان يلعبها في الحارة وهو صغير .. فلذلك سمى نفسه كذا .. fo real yall ) .. ذا قيم اتخرج فسنة 1999 يعنى لمن كان عمري 14 سنة تقريبا << لااا يا شيخ .. وحصل كذا منحة جامعية من كذا جامعة .. فاختار جامعة "Washington State University" .. تذكرته للخروج من كومبتون وطريقه للجامعة انتهى بعد ما كفشوه ومعاه مخدرات راحت المنحة عليه وانتقل مع اخوه Big Fase لعزبة في ضواحي كومبتون في Bellflower واحتكروا تجارة المخدرات هناك بعد فترة قصيرة من انتقالهم ..

في 1 اكتوبر 2001 .. لمن كان ذا قيم متكى لوحده فالعزبة يقلب فالتلفزيون .. سمع صوت الجرس فالساعة اثنين الليل .. عشان ياخذون منه غرضهم "Drugs" .. الادمي فتح الباب علا نياته .. طبعا زبونه المعتاد جاب معاه اثنين واول ما فتح الباب دعسوه وصفقوه ولطشوه ومسحوا فيه الارض واطلقوا عليه خمسة طلقات وهبقوا .. ذا قيم دق علا الاسعاف من جواله .. وشالوه المستشفي ودخل غيبوبة لمدة يومين .. واثناء ما كان يتشافى .. كلم اخوه وقال له جيب الالبومات ذي :
B.I.G : Ready To Die
Snoop Dogg : Doggystyle
Dr Dre : The Chronic
Jay-Z : reasonable Doubt
وكذا البوم لـ Big Daddy Kane و Ice Cube
وخلال خمسة شهور .. درس الالبومات ذي من نواحي علمية .. فالبداية الفلو حقه كان ضعيف .. ولكنه درسها بسرعة وطور مهاراته في الفري ستايل .. يعني جمع طرق المغنيين المفضلين حقه واختار احسنها وجمع بينها وطلع استايل جديد خاص فيه ..


طيب وبعد ما اتشافى طلع هو واخوه البوم Mixtape .. الالبوم ذا وصل لواحد اسمه Sean Combs اللى هوا P.Diddy ... وكانوا شوي وراح يوقعون مع بف دادي العقد الا ووصل الالبوم ذا ليد المنتج العظيم .. عمنا الكبير .. Dr Dre واتصل عليهم وقال لهم : والله ما توقعون العقد الا معايا ... وسحبوا سيفون علا بف دادي ووقعوا مع دري .. طبعا ذا قيم كان يبغا يكمل مشوار الـN.W.A في سنة 2002 وبدا بانتاج اغاني .. دري اعطى ذا قيم مفتاح الاستوديو .. يعنى اعطاه حرية ان يفعل ما يشاء في الاستوديو .. فاتعلم ذا قيم كيف يحسب النوتات الموسيقية اللي هيا الـ "Bars" .. وطبعا مثل ما كتبت اول اختار اسم The Game لانه جدته المتوفية كانت تسميه بهاذا الاسم
طلع ذا قيم في كذا فيديو كليب ومنها : In Da Club, Wanna Get To Know You
وفي صيف 2003 جاب ولده اللي راج العالم ومسوي زحمة فيه Harlem Caron Taylor .... وسوى ذا قيم اعلان لترويج ملابس باف دادي لشركة "Sean John" .. صفقة بشيك مفتوح مع شركة Boost Mobile عشان يطلع في الاعلان بجانب Kanye West و Ludacris ... كما انه طلع كضيف في عدة Mixtapes مع DJ Greean Lantern و The Diplomats و G-Unit ..

وطلع في 18 يناير 2005 البومه "The Documentary" .. البومه ذا طلع في المرتبة الاولى في الشارتز ... وباع منه اكثر من 586.000 البوم خلال الاسبوع الاول
اهتمام ذا قيم بالتجارة خلى الناس تنتبه له اكثر في امريكا وطلع في قنوات التلفزيون والراديو وسوو معاه مقابلات في اكثر من برنامج .. هو ايضا انتقل الى شقة ملاكي في Beverly Hills وزال وما يزال يملك عدة محلات في كومبتون من ضمنها محل مشروبات كحولية .. ودايم تحصلوا يتسكع في كومبتون مع السكورتي حقونه .. الناس سالوه .. ليه ما تتخلى عن كومبتون .. يعني عندك ملايين وتروح كومبتون ؟؟ .. ذا قيم قال انه كومبتون هي منطقة الامان بالنسبة او مثل ما يقولون فعلم النفس "Comfort Zone" ..
وبعد كذا حصلت مشكلته مع ففتي والجي يونت
وفي مايو 2005 .. ذا قيم رجع للاخبار ... بالـTour اللي سواه مع سنوب باسم "How The West Was Won" وهاذي حصلت فيها مشكلة صغيرة .. اثناء ما كانوا يغنوا .. طلع واحد من الجماهير عشان يسلم علا سنوب .. الا ذا قيم وسيكورتية سنوب قاموا عليه ودعسوه وطلعوا روحه


مقتطفات ...

* سوا ريكورد لابيل خاص فيه باسم "The Black Wallstreet" .. وعدد من النجوم وقعوا معاه ومن ضمنهم وحدة اسمها Vita .. وهاذي فيتا كانت مغنية سابقة في الـMurder Inc. ..

*في 28 فبراير انفصل عن شي اسمه جي يونيت وففتي سنت وافترماث ريكوردز

*لعب سلة ايام الثانوية مع Baron Davis ...وهاذا بارون الآن لاعب في الـNBA .. وعلاقاتهم ما زالت جيدة

*علاقاته جيدة مع سنوب وناز ...

*فيلمه المفضل : Blow Out لجون ترافولتا

*يشرب الشاي عشان يهدي اعصابه لمن يكون فالطريق

وهاذي وحدة من اقواله .. : "LA's crazy. When I was younger and watched The Beverly Hillbillies Or Beverly Hills 90210, I used to think it was so far from the 'hood. We were just in Compton and saw the yellow tape out, the sheriffs pickin' up shells and looking for someone to arrest and take to jail. We get on the freeway for 10 or 15 minutes, and we're in Beverly Hills, where we can sit in a Subway with no problems."